Kryebashkiakja e Barcelonës ka deklaruar se Bashkimi Europian duhet të ndërmjetësojë mes qeverisë spanjolle dhe asaj katalane, në mënyrë që të shmanget tensionimi i situatës politike në vend.

Qeveria separatist e rajonit të Katalonjës po planifikon që të mbajë referendumin për pavarësi të dielen, përdersa Madridi e ka quajtur veprimi anti-kushtetues, transmeton portali arbresh.info

Në një intervistë për Associated Press, Ada Colau, fajësoi atë që ajo e quajti ‘valën e shtypjes’ në qeverinë konservatore të Spanjës.

Colau tha se BE-ja duhet të veprojë për të mbrojtur lirinë e shprehjes dhe të drejtat tjera.

Barcelona është kryeqyteti i Katalonjës. Colau u ka dërguar letra kryetarëve të tjerë nëpër kqyeqytetet e Europës dhe u ka kërkuar atyre që të lobojnë në emër të thirrjes së saj për dialog.

Ajo ka theksuar se votimi i të dieles do të tregojë dëshirën e popullit për të ardhmen e rajonit, por sipas mendimit të saj referendumi nuk mund të konsiderohet si i duhuri, pasiqë Spanja nuk është dakord.

Gjykata Kushtetuese e Spanjës tashmë ka pezulluar referendumin, prandaj edhe nuk mund të llogaritet si i ligjshëm./arbresh.info/